Gheorghe Sarau


Ismet Jasarevici, din Serbia, despre rolul lui Gheorghe Sarău în promovarea limbii rromani comune

Posted in Uncategorized de gheorghesarau pe iulie 20, 2018

 Iata ce scrie dl. Ismet Jasarevici, din Serbia, fost dirijor Orchestra Radio, unul dintre primii profesori de rromani din ex-Iugoslavia (Cosovo, in 1984), acum profesor de rromani in Serbia, doctorand in rromani:

” Sarau, profesore, ramov tuqe pe amari khetani rromani ćhib, sava sikadan amare ternen, siklǒvnen, studentoren, siklarnen andar-i Rumunia thai vazdian olengo identiteto thai kultura po jekh ućo profesionalo nivelo, savo vi me vi o prof. Marcel andi Francia, vi o Karlo andi Espania, vi amare phrala andi Latvia , Bulagaria, Croatia, bare respektoça, sikaven paćiv tire edukacaqe vi ande institucie sistemoske vi avral instituce sistemoske, tire laćhe pozitivo entuzijazmosa, lingvistikane ʒanglimaça, tire bare voǎça, vi tire laćhe referatonçar pe maśkarthemutne konferencie andi Croatia, Swedia, Serbia, Polonia,…th. av., soske aver lingvisturia, Univeryiteturia thai siklarna sikade bari paćiv tire pedagogiaqe, tire metodenge, savençar guglardan thai paśardan na numa generacien andi Rumunia no vi man vi phure vi mirre amalen, save dikhen pi amari khethani ćhib sar phurt sumnakuni andi laćhi xaćarutni buhli Europutni komunikacia e sa e dijalektonengi phangle ande amari khetani internacionalo ćhib.

Nais tuqe vaś: i sa literatura, vaś e inspektora rromane ćhibaqe, vaś-e sa profesora(460) so iklile andari Univeryiteta ando Bukurest. Nais tuqe pe sa Nacionalo thai internacionalo Olimpiade rromane ćhibaqe andi Rumunia, nais so vi e siklǒvnen rromane chibaqe andar-i Serbia dian voja – phaka te uran karing pesqi khetani ćhib. Tu san od DAD pozitivo miśkimasko rromane ćhibako andi Rumunia thai Lumia, savo si Develstar dino, savo lokhes, lokhes keres i komunikacia savore manuśençar thai putres o laćho drom vaśo prosperiteto e rromengo trujal i edukacia. Tiri edukacia del amen ʒanglipen e ʒanglimaça amen sam zorale, te keras vi amenge vi averenge laćhipen SAR TU SO KERES, PROFESORE!

Profesore Sarau, ando oktobar 2018 kerava jekh bari ekspozita khetane e Maceleça e Courthiadeesqo ” I rromani ćhib – barvalipe vas-i edukatia thai ververipen”

Tiri edukacia si and-i historia e rromane khetane chibaqi, ma bistar so vi me – sar phuro  Rom – profesori „rromane ćhibako e elementonçar nacional kulturaça „vi sar doktoranto rromane ćhibako – dav tuke baro baro respekto, pativ, tire ʒanglimaske, tire pedagogiake, tire metodenge, save vi i akdemia e ʒantrengi bare respektosa dikhen kodolese so si odothe o lingvistikano ʒanglipen e rromane lingvistongi sava tu duśle thai haćarutne sikaves kai rese te reses. Kodolese ma xa xoli!!! Tu san o profesori profesorengo e rromane ćhibako!

But si pustika so ande lumia ramon amare lilvarne, no tu san jekh e cra manuśendar so ramol oficielne rromane ćhibaça, tire putika śai ramon milionuri Roma a pustika thai literatura sava na-i ola olaki oficielno Internacionalo xramopen, aćhol sar jekh lokalo informacia thai vi tuqe vi mange avel BEZEX kana dikhas so keren varesave Roma, savenge si o intereso numa te len peske varesave love a e rromane ćhibake thai e kulturake na dukhal olen o śero.

Tu, Sarau, na-i san phrala RRom, ama tu san sar phrala – ćaće phenav tuqe – sar śel, sar milja,Rroma!! Sa so ramosardan ćacipen si !!! Me jertisarav man, ando anav amare jekhimasko, amare dromesko karing amari khetani ćhib/…/.

Profesore, ma mukh e rromen bi dudesko po drom e chibaqo!

Baxtarav tiri buti, tiri familia, baxtarav e Ionel Kordovan (amare doktorantos e rromane chobako) thai sa e siklarnen kasa ʒanas amen andar/ o arakhavipen pe Internacionalo Olimpiade rromane ćhibake. Sastimaça! Ismet Jasarevic„”

Reclame

Lasă un răspuns

Completează mai jos detaliile tale sau dă clic pe un icon pentru a te autentifica:

Logo WordPress.com

Comentezi folosind contul tău WordPress.com. Dezautentificare /  Schimbă )

Fotografie Google

Comentezi folosind contul tău Google. Dezautentificare /  Schimbă )

Poză Twitter

Comentezi folosind contul tău Twitter. Dezautentificare /  Schimbă )

Fotografie Facebook

Comentezi folosind contul tău Facebook. Dezautentificare /  Schimbă )

Conectare la %s


%d blogeri au apreciat asta: